ರಸ್ತ್ಯಾ ವಯ್ಲಿಂ ದುರಾಂತ್ ಚಿತ್ರಾಂ
1
ಪಯ್ಣಾ ವಾಟೆರ್
ತರ್ನ್ಯಾ ವಾಟ್ಸುರ್ಯಾಚಿ
ಖುನ್...
ರಸ್ತ್ಯಾನ್ ಸುಫಾರಿ ಘೆತ್ಲ್ಯಾ...
ಪುಕ್ಯಾಂಕ್...
2
ಮಧನೆಚ್ಯಾ ವೊತಾಂತ್
ಸುಕೊನ್ ತಾನೆಲ್ಲ್ಯಾ
ರಸ್ತ್ಯಾನಿಂ ತರ್ನೆ ರಗತ್
ಪಿಯೊನ್ ಸೊಡ್ಲೆಂ...
ಕೊಬಾ ಜ್ಯೂಸಾ ತಶೆಂ
ರಸ್ತ್ಯಾ ಖಾಟ್ಕೆ ಥಾವ್ನ್
ದೆವೊನ್ ಸುಕ್ಲೆಂ ರಗತ್
ಸಾಕ್ಸ್ ದಿತಾಲೆಂ...
3
ತೆಂ ದೋಗ್
ಎಕಾಮೆಕಾ ಆಪ್ಟೊನ್
ಪಡ್ಲೆಂ ಪಳೆವ್ನ್
ರಸ್ತೊಯ್ ಮೊವಾಳ್ಳೊ
ರಡ್ಲೊ ಆನಿಂ
ರಗ್ತಾ ದುಃಕಾಂಚ್
ಘಳಯ್ ಲಾಗ್ಲೊ
4ವ್ಹಯ್...ಹಾಂವೆ
ವೆಗ್ಗಿಚ್ ಘರಾ ಪಾವಾಜೆಯ್
ರಾತ್ ಜಾಂವ್ಚ್ಯಾ ಪುಡೆಂ..,
ಮಾಸಾಕ್ ಭುಕೆಲ್ಲಿ
ರಗ್ತಾಕ್ ತಾನೆಲ್ಲಿ
ಸಭಾರ್ ಆಸಾತ್ ವಾಟೆರ್...
ರಸ್ತೊ ಸಮೇತ್...
(ಪ್ರೇರಣ್:ವಿಲ್ಸನ್ ಕಟೀಲ್’ಚಿ ’ಭುಕ್’ ಕವಿತಾ)
5
ಹೊ ರಸ್ತೊ ಕಿತ್ಲ್ಯಾ
ತೆಂಪಾ ಥಾವ್ನ್
ಭುಕೆನ್ ಆಸ್ಲೊ
ಕೋಣ್ ಜಾಣಾಂ?
ಮೆಂದು ಸಮೇತ್
ಫಾಪ್ಸುನ್ ಖೆಲಾಂ..
6
ಫೊಲೀಸ್ ಪೆದೊ
ರಸ್ತ್ಯಾರ್ ಮಾಸಾ
ಕುಡ್ಕೆಂ ವಿಂಚ್ತಾ
ಗೊಣಿಯೆಂತ್ ಗಾಲ್ತಾ...
ಗುಜರಿ ವಿಂಚ್ತ್ಯೆಲ್ಯಾಚೊ
ಉಡಾಸ್ ಹಾಡಯ್ತಾ...
7ರಸ್ತ್ಯಾ ಆವ್ಗಡಾಂತ್
ಸಂಪಡ್ನ್ ಜೀವ್ ಸೊಡ್ಲ್ಯಾ
ಮೊಡ್ಯಾಕ್ ತಾಣಿಂ
ನಾಣೆಯ್ಲೆಂ....
ಮಾಂಯ್ನ್
ಶಿಂದ್ಲ್ಯಾ ಮಾಸಾ
ಪೊಡಿಯಾಂಕ್ ಧುಂವ್ಚೆಪರಿಂ
No comments:
Post a Comment